Cody Gakpo, leikmaður PSV Eindhoven, er nýjasti leikmaðurinn til að vera orðaður við Manchester United.
Man Utd ætlar að bæta við sig sóknarmanni í sumar og hefur bankað á margar dyr en án árangurs.
Gakpo er 23 ára gamall og var frábær með PSV í fyrra en hann getur leikið á vængnum sem og í öðrum hlutverkum á vellinum.
,,Fyrst verðum við að vera einbeittir og komast í Meistaradeildina,“ sagði Gakpo en PSV er í umspilinu um að komast í riðlakeppnina.
,,Þá er enn líklegra að ég verði áfram. Ég held að ég hafi ekki sagt neins staðar að ég sé á förum svo það er klárlega möguleiki að ég verði áfram.“
,,Ég er opinn fyrir því að fá mér kaffi með stjórninni eða kaffi fyrir þá og vatn fyrir mig. Við sjáum hvað gerist.“
