Sveinn Arnarson knattspyrnudómari neitar að tjá sig um samskipti sín við Arnar Grétarsson þjálfara KA sem dæmdur var í fimm leikja bann. Fréttablaðið fjallar um málið.
Arnar fær bannið fyrir að orð sem hann lét falla í garð Sveins Arnarssonar, fjórða dómara í leiknum. Hann hafði fengið rautt spjald í leiknum og því sjálfkrafa tveggja leikja bann. Aga- og úrskurðanefndin bætti svo þremur leikjum við fyrir eðli brotsins.
Sögur eru á kreiki um að Arnar og Sveinn hafi átt í samskiptum degi eftir leik en KSÍ hefur ekki enn birt dóminn í heild.
„Í samtali við Fréttablaðið kveðst Sveinn Arnarsson, fjórði dómari leiksins ekki vilja tjá sig um samskipti sín og Arnars Grétarssonar, þjálfara KA. Aðspurður hvort hann vildi tjá sig um meint samskipti sín og Arnars daginn eftir leik KA og KR í Bestu deild karla kvaðst Sveinn ekki vilja gera það. ,,Nei,“ var svar hans við spurningu blaðamanns. Þá vildi hann ekki tjá sig um það hvort hann og Arnar hefðu átt í samskiptum daginn eftir leik,“ segir á vef Fréttablaðsins.
Þá hefur Arnar Grétarsson þjálfari KA ekki viljað tjá sig um málið.
