KA 3 – 0 Ægir
1-0 Sveinn Margeir Hauksson (’76)
2-0 Nökkvi Þeyr Þórisson (’90)
3-0 Nökkvi Þeyr Þórisson (’90)
KA vann öruggan sigur í 8-liða úrslit Mjólkurbikarsins í kvöld er liðið mætti Ægi á Akureyri.
Það var lengi vel fínasta spenna í þessum leik en fyrsta markið var skorað á 76. mínútu er Sveinn Margeir Hauksson kom boltanum í netið fyrir KA.
Tveimur mörkum var bætt við í uppbótartíma en það var Nökkvi Þeyr Þórisson sem gerði þau bæði.
Nökkvi átti mjög góðan leik fyrir KA í kvöld og hefur nú skorað fimm mörk í Mjólkurbikarnum þetta árið.
KA er nú orðið fyrsta lið sumarsins til að tryggja sæti í undanúrslitum bikarsins.
