Chelsea gæti verið að fara á taugum í félagaskiptaglugganum í sumar að sögn Martin Keown, fyrrum leikmanns Arsenal.

Chelsea hefur verið út um allt í glugganum í sumar en samdi við Marc Cucurella frá Brighton á dögunum fyrir um 62 milljónir punda.

Keown telur að það sé ekkert vit í því að borga svo háa upphæð fyrir Cucurella þó að Chelsea þurfi verulega á varnarmönnum að halda.

Chelsea er alls ekki hætt í glugganum í sumar og er nú orðað við Pierre Emerick Aubameyang, fyrrum sóknarmann Arsenal sem spilar með Barcelona í dag.

,,Chelsea er nú búið að eyða um 60 milljónum punda í Cucurella og að mínu mati er ekkert vit í því,“ sagði Keown.

,,Þetta er roaleg upphæð og ég held að hún sé of mikil. Eins góður og hann er þá eru leikmenn þarna úti sem eru betri. Að borga svona upphæð og Ben Chilwell er ennþá þarna. Marcos Alonso er ennþá þarna. Það er eins og þeir séu að fara á taugum.“