Sara Salamo, kærasta knattspyrnumannsins Isco, segir að þau eigi mjög kappsamt ástarlíf.

Isco og Salamo hafa verið saman síðan 2017 og eiga þau tvö börn.

Miðjumaðurinn hefur verið á mála hjá Real Madrid undanfarin ár. Samningur hans þar rann hins vegar út fyrr í sumar og er hann því án félags.

Salamo segir að hún og Isco stundi kynlíf á hverjum degi.

„Við höfum unnið mikið og eigum börn en við erum samt með mikið keppnisskap,“ sagði Salamo eftir að hún tjáði sig um daglega kynlífið í sjónvarpi.

Salamo er vinsæl á samfélagsmiðlum og er til að mynda með 800 þúsund fylgjendur á Instagram.