Dominic Calvert-Lewin er meiddur á hné og mun missa af fyrsta leik tímabilsins hjá Everton í ensku úrvalsdeildinni.
Hann meiddist á furðulegan hátt í sendingaræfingu og er ekki vitað af hverju.
Everton mætir Chelsea í fyrsta leik tímabilsins í ensku úrvalsdeildinni.
Ekki er vitað hversu lengi Calvert-Lewin verður frá, bara að hann muni missa af leiknum gegn Chelsea.
Enski framherjinn var meiddur stóran hluta síðustu leiktíðar, er Everton rétt bjargaði sér frá falli.
Frank Lampard, stjóri liðsins, er ekki með marga möguleika í framlínunni. Richarlison er farinn til Tottenham og Salomon Rondon er í banni í fyrsta leik. Það verður því spennandi að sjá hvaða lausn Lampard finnur.