Ólafur Jóhannesson og hans menn í Val unnu heimasigur í Bestu deild karla í kvöld er liðið mætti FH.

Óli var þar að mæta sínum fyrrum félögum í FH en hann var látinn fara frá félaginu fyrr í sumar og tók Eiður Smári Guðjohnsen við.

Gengi FH hefur lítið batnað eftir þjálfaraskiptin og var enn eitt tapið á boðstólnum í kvöld á Hlíðarenda.

Guðmundur Andri Tryggvason skoraði bæði mörkin fyrir Val sem hafði betur 2-0.

Það var meiri spenna á Framvellinum þar sem Stjarnan kom í heimsókn í leik sem lauk með jafntefli.

Emil Atlason kom Stjörnunni yfir í kvöld en Tiago Fernandes bætti stuttu seinna við tveimur mörkum fyrir heimaliðið.

Skallamark frá Guðmundi Baldvini Nökkvasyni tryggði Stjörnunni hins vegar stig undir lok leiks eftir sendingu frá Óskari Erni Haukssyni.

Valur 2 – 0 FH
1-0 Guðmundur Andri Tryggvason (’42)
2-0 Guðmundur Andri Tryggvason (’63)

Fram 2 – 2 Stjarnan
0-1 Emil Atlason (‘4)
1-1 Tiago Fernandes (‘7)
2-1 Tiago Fernandes (’16)
2-2 Guðmundur Baldvin Nökkvason (’84)