Það eru ófáir leikmenn Ajax sem eru orðaðir við Manchester United þessa dagana en Erik ten Hag er tekinn við á Old Trafford.
Ten Hag yfirgaf Ajax í sumar til að taka við Man Utd og er að skoða nokkra leikmenn hollenska liðsins.
Antony og Lisandro Martinez eru helst orðaðir við enska liðið og einnig Frenkie de Jong sem lék eitt sinn með Ajax en í dag Barcelona.
Nú er greint frá því að fjórði fyrrum lærisveinn Ten Hag sé undir smásjá Man Utd en hann ber nafnið Brian Brobbey.
Brobbey er 20 ára gamall sóknarmaður en hann spilaði með Ajax í láni á síðustu leiktíð og skoraði þar sjö mörk í 11 deildarleikjum.
Um er að ræða nautsterkan framherja sem er samningsbundinn RB Leipzig og var keyptur þangað frá Ajax árið 2021.
