Íslensk lið verða í eldlínunni í Evrópumótum félagsliða karla í vikunni. Íslands- og bikarmeistarar Víkings ríða á vaðið í kvöld þegar þeir mæta sænska stórliðinu Malmö ytra í forkeppni Meistaradeildarinnar, en seinni leikuriinn fer svo fram á Víkingsvelli viku síðar. Víkingar hafa þegar farið í gegnum eina umferð forkeppninnar þar sem þeir unnu sigra gegn Levadia Tallinn og Inter Escaldes.
Þjálfari Malmö er Milos Milojević sem áður var leikmaður og þjálfari Víkings. VIðtal við hann á heimasíðu Malmö hefur vakið nokkra athygli.
„Ég hef þjálfað marga af þeim leikmönnum sem eru í liðinu í dag. Flestir af þeim fengu tækifæri undir minni stjórn, ég þekki því félagið og alla leikmennina,“ segir Milos.
Kristján Óli Sigurðsson vakti fyrst athygli á þessu í Þungavigtinni.
Þegar gögnin eru skoðuð kemur í ljós að aðeins tveir leikmenn í hópi Víkings fengu tækifæri undir stjórn Milos en það eru Viktor Örlygur Andrason og Erlingur Agnarson.
Það voru svo Halldór Smári Sigurðsson og Davíð Örn Atlason sem léku einnig undir stjórn Milos.