Joao Palhinha, 26 ára gamall miðjumaður, er genginn í raðir Fulham frá Sporting.
Talið er að Fulham borgi um 17 milljónir punda fyrir Portúgalann. Hann skrifar undir fimm ára samning.
Fulham er nýliði í ensku úrvalsdeildinni á næstu leiktíð og er að vinna í að styrkja hópinn fyrir átökin.
Palhinha á að baki fjórtán landsleiki fyrir Portúgal og hefur hann skorað í þeim tvö mörk.
Auk þess að hafa leikið með Sporting hefur Palhinha verið á mála hjá Moreirense, Belenenses og Braga á sínum meistaraflokksferli.
#TheJoãoFactor 🇵🇹 pic.twitter.com/Yqih2b9fBn
— Fulham Football Club (@FulhamFC) July 4, 2022
