Erik ten Hag er að breyta reglum hjá Manchester United í þátt átt sem Sir Alex Ferguson var með hjá félaginu á sínum tíma.
Ten Hag hefur breytt tímasetningum á æfingum en nú eiga leikmenn að mæta til æfinga 09:00 á morgnana.
Undanfarin ár hafa leikmenn United mætt til æfinga klukkan 10:00. Ten Hag vill hins vegar byrja daginn fyrr líkt og Ferguson gerði.
Manchester Evening News segir frá en einnig hefur Ten Hag skipað leikmönnum að borða saman eftir æfingar.
Allir leikmenn eiga að koma inn í matsal og telur Ten Hag að þetta muni bæta liðsandann, þessa regla var líka í gildi þegar Ferguson var stjóri liðsins.
Ten Hag stýrði sinni fyrstu æfingu hjá United í gær en hann þarf að reyna að snúa við mjög slæmu gengi liðsins.
