Chelsea er tilbúið að skipta á leikmönnum við Juventus á Ítalíu en þetta kemur fram á Sky Sports.

Chelsea er að skoða það að fá varnarmanninn Matthijs de Ligt sem var áður hjá Ajax og hefur átt misgóða tíma á Ítalíu.

Samkvæmt Sky hefur Chelsea boðið Juventus að fá Timo Werner í skiptum fyrir De Ligt en Werner hefur ekki náð að heilla marga síðan hann kom frá RB Leipzig.

Werner kostaði Chelsea 50 milljónir punda árið 2020 en hefur skorað níu deildarmörk á tveimur tímabilum.

Fréttin segir að Chelsea sé tilbúið að borga 45 milljónir evra með skiptunum og myndi Juventus því græða vel.