Tveir Íslendingar komust á blað í Noregi í kvöld en fjölmargir leikir voru spilaðir í bikarnum þar í landi.
Hólmbert Aron Friðjónsson fær fá tækifæri með Lilleström í norsku deildinni en fékk að byrja gegn Junkeren í kvöld.
Junkeren komst yfir í þessum leik nokkuð óvænt en Lilleström sneri taflinu við og vann 2-1 sigur þar sem Hólmbert skoraði fyrra mark liðsins. Þetta var fjórða mark Hólmberts í keppninni.
Brynjólfur Andersen Willumsson komst einnig á blað fyrir sitt lið er Kristiansund vann Strindheim 3-1.
Brynjólfur spilaði allan fyrri hálfleik liðsins og skoraði annað markið. Hann fór af velli snemma í þeim síðari.
Alfons Sampsted lagði upp fimmta mark Bodo/Glimt sem fór sannfærandi áfram gegn Harstad en liðið vann 5-0 útisigur.
Fleiri Íslendingar fengu mínútur en Bjarni Mark Antonsson lék með Start sem vann Arendal 3-2, Samúel Kári Friðjónsson spilaði með Viking sem lagði Vart Haugesund 2-1 og Ari Leifsson lék þá með Stromsgodset sem tapaði gegn smáliði Gjovik-Lyn.
