Manchester United er að undirbúa annað tilboð í Frenkie de Jong ef marka má frétt Daily Mail.
Man Utd bauð 51 milljón punda, auk bónusa, í leikmanninn á dögunum en var því hafnað af Barcelona, sem á Hollendinginn. Talið er að um 15 milljónum muni enn á því að félögin nái saman.
De Jong er 25 ára gamall og hefur verið á mála hjá Barcelona frá árinu 2019.
Hann kom frá Ajax, þar sem hann lék undir stjórn Erik ten Hag. Sá er einmitt við stjórnvölinn hjá Man Utd nú. Hann tók við af Ralf Rangnick fyrr í sumar.
De Jong lék 32 leiki í La Liga síðasta vetur. Þar kom hann alls að sex mörkum.
Enski boltinn á 433 er í boði 
