Jón Dagur Þorsteinsson hefur svarað gagnrýni Þórhalls Dan Jóhannssonar fullum hálsi með myndbirtingu á Instagram.

Þórhallur lét Jón Dag heyra það fyrir að segjast „ekki hlusta á trúða úti í bæ“ er kemur að umræðu um gengi íslenska karlalandsliðsins.

„Jón Dagur kallaði fólkið sem er að gagnrýna hann trúða. Það er bara þjóðin. Hvernig ætlið þið að fá fólk til að styðja ykkur ef þið kallið það trúða?“ sagði Þórhallur um ummæli Jóns Dags.

Jón Dagur hefur sem fyrr segir nú svarað Þórhalli. Svarið er einfalt en merkingin er ansi sterk. Hann birti mynd af Þórhalli þar sem hann hefur sett á hann trúðahár og nef.

Skjáskot af þessu má sjá hér að neðan.