Það er búið að vísa nauðgunarmáli Cristiano Ronaldo frá en hann var ásakaður um að hafa nauðgað konu í Las Vegas fyrir 13 árum síðan.

Kona að nafni Kathryn Mayorga hafði ásakað Ronaldo um nauðgun í Las Vegas árið 2009 en Ronaldo var þá 24 ára gamall og hún 25.

Kathryn hitti Ronaldo á skemmtistað á þessum tíma og fór síðar með stórstjörnunni inn á hótelherbergi þar sem hún segir nauðgunina hafa farið fram.

Ronaldo fékk Kathryn til að skrifa undir þöggunarsamning eftir skyndikynni en hún fékk borgað tæplega 300 þúsund dollara fyrir að halda þeirra kynnum leyndum.

Lögreglan í Las Vegas opnaði málið á ný eftir kæru Kathryn en felldi síðar málið niður fyrir um þremur árum.

Í frétt the Sun kemur fram að lögfræðingur Kathryn, Leslie Mark Stovall, hafi komist í stolin gögn og samskipti á milli Ronaldo og hans lögfræðings sem var gert í slæmri trú.

Dómari í Nevada hefur nú vísað málinu frá en of mikill tími hefur liðið án þess að ný sönnunargögn hafi komist á yfirborðið.