Þrír leikir fóru fram í Lengjudeild kvenna í kvöld.
Tindastóll tók á móti Haukum og vann 1-0 sigur. Markavélin Murielle Tiernan gerði eina mark leiksins.
HK vann þá 1-0 sigur á Augnabliki á heimavelli. Júlía Katrín Baldvinsdóttir varð fyrir því óláni að setja boltann í eigið net á áttundu mínútu og var það eina mark leiksins.
Loks gerðu Fjölnir og FH markalaust jafntefli.
HK er á toppi deildarinnar með 12 stig, FH er í öðru sæti með tíu stig og Tindastóll er í fjórða sæti með níu stig. Þá er Augnablik í sjötta sæti með þrjú stig, Haukar í áttunda sæti með jafnmörg stig og Fjölnir í því níunda með eitt stig.
