Southampton tók á móti Manchester City í lokaleik dagsins í ensku úrvalsdeildinni.
Þrátt fyrir að Man City hafi haft boltann mun meira í fyrri hálfleik voru það heimamenn sem leiddu eftir hann.
Kyle Walker-Peters skoraði mark Southampton strax á 7. mínútu. Þetta var hans fyrsta úrvalsdeildarmark.
Southampton hefði getað tvöfaldað forystu sína snemma í seinni hálfleik en gestirnir unnu sig inn í leikinn.
Það endaði svo með marki Aymeric Laporte á 65. mínútu. Hann skoraði með skalla eftir fyrirgjöf Kevin De Bruyne.
Southampton tókst að halda Englandsmeisturunum vel í skefjum í dag og kræktu í 1-1 jafntefli.
