Borussia Dortmund vann Hoffenheim á útivelli í þýsku Bundesligunni í dag.
Erling Braut Haaland kom Dortmund yfir strax á 6. mínútu. Andrej Kramaric jafnaði fyrir heimamenn í uppbótartíma fyrri hálfleiks.
Marco Reus kom gestunum aftur yfir eftir tæpan klukkutíma leik. Á 66. mínútu var staðan svo orðin 1-3 þegar David Raum setti boltann í eigið net.
Georinio Rutter minnkaði muninn fyrir Hoffenheim á 77. mínútu en nær komst liðið ekki. Lokatölur 2-3.
Dortmund er í öðru sæti deildarinnar, 3 stigum á eftir toppliði Bayern Munchen sem á þó leik til góða.
Alfreð á bekknum
Alfreð Finnbogason sat allan leikinn á varamannabekb Augsburg í slæmu 5-1 tapi gegn Bayer Leverkusen á útivelli. Íslendingurinn sneri nýlega aftur úr meiðslum.
Moussa Diaby gerði þrennu fyrir Leverkusen í dag. Karim Bellarabi og Lucas Alario gerðu hin mörkin. Mark Augsburg skoraði Arne Maier.
Augsburg er í sextánda sæti deildarinnar með 19 stig, 2 stigum frá öruggu sæti. Leverkusen er í þriðja sæti með 35 stig.
Í öðrum leikjum dagsins í Bundesligunni vann Freiburg 2-0 sigur á Stuttgart, Union Berlin vann 1-2 sigur á Gladbach og Greuther Furth vann 2-1 sigur á Mainz.