Cristiano Ronaldo segir að kvöldið sem hann skellti sér út á lífið í dulargervi sé eitt besta kvöld lífs hans. Ronaldo gerði þetta þegar hann var í herbúðum Real Madrid.

Það er ekki einfallt mál að fara á meðal fólks þegar þú ert einn frægasti einstaklingur í heimi. Ronaldo þekkir það vel.

„Það var gamlárskvöld, ég og Ricardo vinur minn ákváðum að fara út á lífið. Ég sagði honum að við yrðum að fara á diskótek, það væri gamlárskvöld,“ sagði Ronaldo.

Vinur hans var á sama máli en lagði til að þeir færu í dulargervi. „Hann sagði að við yrðum að finna hárkollur, mottu og jakka.“

„Við keyptum alvöru hárkollu, þetta var miklu betra hár en ég er með.“

Kvöldið byrjaði vel en fljótlega fór einn og einn að taka eftir því að þetta væri Ronaldo. „Við fórum á bar á hóteli í miðborg Madrídar. Ég sagði við vin minn að við yrðum að tala bara ensku.“

„Svo fórum við á barinn og ég talaði portúgölsku við Ricky. Þá var maður fyrir aftan mig sem sagði að þetta væri Cristiano.“

„Ég var pirraður og þessi drengur lét alla á barnum vita að þetta væri ég. Við vorum þarna í þrjá tíma. Þetta var eitt besta kvöld lífs míns. Ég var svo frjáls.“

Enski boltinn á 433 er í boði