Enska úrvalsdeildin vinnur hörðum höndum að því að aflétta banni sem FIFA setti á leikmenn sem var meinað að ferðast í landsliðsverkefni í þessum landsleikjaglugga.
Átta leikmenn frá Brasilíu sem spila í ensku úrvalsdeildinni fengu ekki að fara í sín landsliðsverkefni en það eru lykilmenn sinna liða. Þetta eru þeir Fabinho, Alisson og Bobby Firmino hjá Liverpool, Ederson og Gabriel Jesus hjá Manchester City, Thiago Silva hjá Chelsea, Fred, leikmaður Manchester United og Raphinha leikmaður Leeds. FIFA ákvað þá að senda þessa leikmenn í bann og fá þeir ekki að spila með sínum félagsliðum um helgina.
Félögin í ensku úrvalsdeildinni mótmæltu þessum aðgerðum kröftuglega og virðist vera að þokast til í þessum málum og eru félögin orðin bjartsýnari um að leikmennirnir fái að spila um helgina þrátt fyrir að ekki sé enn komin lausn.
Liverpool telur að bann FIFA sé gjörsamlega fráleitt en bannið kemur sér verst fyrir Liverpool sem missir þrjá algjöra lykilmenn. Liverpool telur að reglurnar standist engin lög nú þegar sóttvarnarreglur gilda vegna COVID-19.
Liverpool believe FIFA has no basis with which to ban Premier League clubs from selecting South American players who were refused permission to go on international duty this weekend.
— Sky Sports News (@SkySportsNews) September 9, 2021