Liverpool, Manchester City, Chelsea, Manchester United og Leeds verða án lykilmanna um helgina í ensku úrvalsdeildinni.
FIFA lét í dag félögin vita að Knattspyrnusamband Brasilíu hefði farið fram á fimm daga bann yfir leikmönnum sem mættu ekki í landsleiki.
Liverpool verður án Alisson, Fabinho og Roberto Firmino þegar liðið mætir Leeds á sunnudag. Leeds verður án Raphinha.
Ástæðan er sú að félögin bönnuðu leikmönnum að fara í landsleiki, hefðu þeir farið til Suður-Ameríku væru þeir á leið í tíu daga sóttkví í Englandi.
Manchester United verður án Fred gegn Newcastle og Young Boys. Thiago verður ekki með Chelsea í tveimur leikjum. Þá þarf Ciyt að spila án Ederson og Gabriel Jesus gegn Leicester.
Wolves missir svo Raul Jimenez um helgina en hann mætti ekki í verkefni Mexíkó og Miguel Almiron hjá Newcastle fer einnig í fimm daga bann.
Everton getur hins vegar notað Richarlison, knattspyrnusamband Brasilíu vill ekki setja hann í bann. Ástæðan er sú að hann tók þátt í Ólympíuleikunum í sumar.