Donny van de Beek miðjumaður Manchester United óttast komu Cristiano Ronaldo til félagsins. Þetta má heyra frá umboðsmanni miðjumannsins.
Van de Beek hefur verið aftarlega í röðinni hjá Ole Gunnar Solskjær en koma Ronaldo eru ekki góð tíðindi fyrir hann.
„Pogba hefur spilað vinstra megin en með komu Cristiano þá færist Pogba aftur á miðsvæðið,“ segir Guido Albers umboðsmaður Van de Beek.
Hollenski miðjumaðurinn reyndi að yfirgefa United á mánudag í síðustu viku þegar félagaskiptaglugginn var að loka.
„Við áttum samtal við Solskjær og stjórnina, við ætluðum að finna nýtt félag og enduðum hjá Everton. Við ræddum við Marcel Brands og Farhad Moshiri.“
„Á mánudagskvöld kom svo símtal frá Solskjær um að það væri ekki í boði að fara. Van de Beek átti að mæta á æfingu daginn eftir.“
Enski boltinn á 433 er í boði 
