Íslandsmeistarar Víkings úr Reykjavík hafa lagt fram tilboð í kantmanninn Birni Snæ Ingason. Þetta staðfesti Arnar Gunnlaugsson, þjálfari Víkinga, í Dagmálum, frétta og menningarlífsþætti Morgunblaðsins.
Víkingur reyndi að kaupa Birni frá HK um mitt sumar en því tilboði var hafnað.
HK féll úr efstu deild um liðna helgi og er ljóst að nokkrir lykilmenn félagsins verða eftirsóttir. Birnir þar á meðal.
Birnir skoraði sex mörk í 21 deildarleik í sumar en hann ólst upp hjá Fjölni áður en hann gekk í raðir Vals. Frá Hlíðarenda hélt hann svo í Kórinn.
Víkingur varð Íslandsmeistari um síðustu helgi en Arnar Gunnlaugsson ætlar að styrkja liðið sitt í vetur.