Nuno Espirito Santo þjálfari Tottenham er valtur í sessi eftir slæmt tap gegn Arsenal í gær og vond úrslit undanfarið.
Nuno byrjaði vel í starfi og vann Tottenham alla leiki sína í ágúst en svo hefur hallað verulega undan fæti.
Nú telja veðbankar að góðar líkur séu á að Nuno verði rekinn úr starfi innan tíðar.
Mestar líkur eru á því að Steve Bruce verði rekinn frá Newcastle en ágætis líkur eru á því að Daniel Farke verði rekinn frá Norwich.
Nuno er svo í þriðja sætinu en hann kom til félagsins frá Wolves í sumar en leiðinlegur fótbolti liðsins veldur mörgum áhyggjum.