Manchester City mun ekki halda áfram að reyna við Harry Kane, framherja Tottenham. Þetta segir á vef Eurosport.
Hinn 28 ára gamli Kane var orðaður við Man City í allt sumar. Á endanum tókst Tottenham þó að halda honum. Kane á þrjú ár eftir af samningi sínum þar.
Ásamt Man City hafa nágrannar þeirra í Manchester United einnig verið nefndir til sögunnar sem hugsanlegur áfangastaður Kane reglulega undanfarin ár.
Vilji Kane fara frá Tottenham næsta sumar gætu Rauðu djöflarnir því verið í kjörstöðu til að fá hann til sín.
Man Utd fékk auðvitað Cristiano Ronaldo til sín í sumar frá Juventus. Portúgalinn gerði þó aðeins tveggja ára samning og er orðinn 36 ára gamall. Kane gæti gefið Man Utd mörk í mörg ár til viðbótar.