Þremur leikjum er lokið í Lengjudeild karla það sem af er kvöldi. Leikið var í 18. umferð.
Selfoss 3-0 Afturelding
Selfoss vann öruggan sigur á Aftureldingu á heimavelli sínum.
Gary Martin kom heimamönnum yfir á 40. mínútu. Snemma í seinni hálfleiks skoraði hann svo annað mark af vítapunktinum.
Daniel Majkic innsiglaði 3-0 sigur Selfyssinga með marki á 84. mínútu.
Selfoss er í tíunda sæti með 18 stig, 8 stigum fyrir ofan fallsæti. Afturelding er sæti ofar með stigi meira.
Kórdrengir 2-0 Þór
Kódrengir eiga enn veika von á sæti í efstu deild eftir sigur á Þór á heimavelli.
Þórir Rafn Þórisson kom heimamönnum yfir eftir tæpan hálftíma leik. Í lok fyrri hálfeiks tvöfaldaði Connor Mark Simpson forystuna.
Ásgeir Frank Ásgeirsson, leikmaður Kórdrengja, fékk rautt spjald í upphafi seinni hálfleiks.
Það kom þó ekki að sök, lokatölur urðu 2-0.
Kórdrengir eru í þriðja sæti deildarinnar með 31 stig, 4 stigum á eftir ÍBV sem er í öðru sæti. Eyjamenn eiga þó leik til góða.
Þór er í áttunda sæti með 19 stig.
Vestri 2-0 Víkingur Ólafsvík
Vestri vann Víking Ólafsvík á heimavelli.
Pétur Bjarnason gerði bæði mörk liðsins í fyrri hálfleik.
Vestri er í sjötta sæti deildarinnar með 28 stig. Víkingar eru svo gott sem fallnir.