James Rodriguez er frjálst að yfirgefa Everton áður en félagaskiptaglugginn lokar. Þetta segir Liverpool Echo.
Hinn þrítugi James kom til Everton frá Real Madrid síðasta haust. Hann lék 26 leiki með enska liðinu á síðustu leiktíð. Í þeim skoraði hann 6 mörk og lagði upp 9.
Rafa Benitez tók við Everton af Carlo Ancelotti í sumar. James er ekki talinn í hans plönum fyrir komandi leiktíð í ensku úrvalsdeildinni. Félagið mun því selja leikmanninn ef rétt tilboð berst.
Ítalska stórliðið AC Milan leiðir kapphlaupið um Kólumbíumanninn þessa stundina.