Íslendingar áttust við í sænsku úrvalsdeild karla í dag. Ísak Bergmann Jóhanneson og Ari Freyr Skúlason höfðu betur með liði Nörrkoping gegn IFK Göteborg, en Kolbeinn Sigþórsson leikur með því síðarnefnda.
Viktor Agardius kom Nörrkoping yfir á 20. mínútu eftir stoðsendingu frá Kristoffer Khazeni. Carl Björk tvöfaldaði forystuna á 34. mínútu en Marcus Berg klóraði í bakkann fyrir Göteborg með marki á 56. mínútu. Þar við sat og lokatölur 2-1 fyrir Nörrkoping. Ísak Bergmann kom af velli þegar þrjár mínútur voru eftir af venjulegum leiktíma.
Nörrkoping er í 6. sæti með 20 stig eftir 13 leiki. IFK Göteborg er í 9. sæti með 15 stig.