Manchester City ætlar að bjóða markverði sínum, Ederson, nýjan og betri samning. The Athletic greinir frá.
Núgildandi samningur Brasilíumannsins rennur ekki út fyrr en árið 2025. Englandsmeistararnir vilja þó verðlauna Ederson fyrir góðar frammistöður með betri samningi.
Ederson hefur verið hjá Man City frá árinu 2017. Hann hefur þrisvar sinnum orðið Englandsmeistari með liðinu. Þá hefur hann einnig unnið bikarinn einu sinni og deildabikarinn fjórum sinnum.