Ef marka má frétt Daily Mail þá undirbýr Manchester City nú sitt fyrsta tilboð í Jack Grealish, stjörnu Aston Villa. Samkvæmt breska miðlinum mun það hljóða upp á 75 milljónir punda, ásamt hugsanlegum bónusgreiðslum.
Hinn 25 ára gamli Grealish hefur verið á óskalista Man City lengi. Hann hefur verið í herbúðum Villa frá barnsaldri.
Ólíklegt þykir að Villa muni samþykkja þetta fyrsta tilboð Englandsmeistaranna. Talið er að félagið vilji um 100 milljónir punda fyrir hann.
Þá er Villa einnig tilbúið til þess að bjóða Grealish nýjan samning þar sem hann fengi 150 þúsund pund greidd vikulega. Með því vonast félagið til að hindra það að hann fari til Man City.
