Smit hafa greinst í leikmannahópum kvennaliðs Fylkis og hjá Kórdrengjum og Víkingi Ólafsvík í karlaboltanum.
Fylkir hefur staðfest að kórónuveirusmit hafi komið upp í leikmannahópi félagsins. Leik liðsins gegn Val, sem átti að fara fram á miðvikudag, hefur verið frestað.
Þá greindi Fótbolti.net frá því að eitt smit hafi komið upp hjá Kórdrengum og fjögur hjá Víkingi Ólafsvík.
Leikjum þessara liða um helgina var frestað. Liðin áttu svo að mætast innbyrðis á miðvikudag. Þeim leik hefur þó að sjálfsögðu verið slegið á frest.