Það er óhætt að segja að stuðningsmenn Arsenal hafi ekki glaðst er þeir sáu Willian leika æfingaleik með liðinu gegn Hibernian fyrr í vikunni. Þeir tóku eftir að Brasilíumaðurinn er í allt annað en ásættanlegu líkamlegu standi eftir sumarfríið sitt.
Willian kom til Arsenal frá Chelsea síðasta sumar. Hann átti vægast sagt ömurlegt tímabil og hafa margir stuðningsmenn afar takmarkaðan áhuga á að hafa hann áfram hjá félaginu.
Sú staðreynd að Willian hafi einfaldlega mætt með bumbu í æfingaleikinn gegn Hibernian dregur aðeins úr þeim áhuga.
Leikmenn í ensku úrvalsdeildinni sem ekki tóku þátt á stórmótum með sínum liðum í sumar hafa verið í fríi síðan í lok maí. Það er misjafnt hversu vel menn hugsa um sig þegar þeir fá smá frí.
Myndina af Willian í leiknum gegn Hibernian má sjá hér fyrir neðan. Þess má geta að Arsenal tapaði honum 2-1.
Enski boltinn á 433 er í boði 
