Þróttur Reykjavík vann góðan heimasigur á Tindastól í 11. umferð Pepsi Max-deildar kvenna í dag.
Katherine Amanda Cousins kom heimakonum yfir með marki af vítapunktinum eftir hálftíma leik. Staðan í hálfleik var 1-0.
Ólöf Sigríður Kristinsdóttir tvöfaldaði forystu Þróttar á upphafsmínútum seinni hálfleiks. Fleiri mörk voru ekki skoruð í Laugardalnum. Lokatölur 2-0.
Þróttur fer upp í þriðja sæti með sigrinum. Liðið er með 15 stig, stigi meira en Selfoss sem á þó leik til góða.
Tindastóll er á botni deildarinnar með 8 stig. Liðið er stigi frá öruggu sæti en liðin fyrir ofan eiga þó leik til góða.