Pep Guardiola stjóri Manchester City leggur mikla áherslu á það að félagið kræki í Jack Grealish miðjumann Aston Villa í sumar.
Grealish var frábær með Aston Villa á liðnu tímabili og ætti að vera í stóru hlutverki með enska landsliðinu á Evrópumótinu í sumar.
Villa vill fá 100 milljónir punda fyrir Grealish og leggur Guardiola mikla áherslu á það að forráðamenn City fari í viðræður við Villa.
City ætlar einnig að fá framherja og er Harry Kane framherji Tottenham efstur á blaði, hann kostar í kringum 150 milljónir punda.
City vantar sóknarmann til að fylla skarð Kun Aguero. Ef Guardiola ætlar að klófesta þessa tvo þarf City að rífa fram 42 milljarða íslenskra króna.