Matt Doherty hefur viðurkennt að hann og aðrir leikmenn Tottenham verði að bera ábyrgð á því að Jose Mourinho hafi verið rekinn frá félaginu.

Tottenham rak portúgalska þjálfarann í Apríl eftir aðeins 17 mánuði hjá félaginu. Klúbburinn var á þeim tíma í 7. sæti í ensku úrvalsdeildinni og hafði verið hent út úr Evrópudeildinni eftir tap gegn Dinamo Zagreb.

Matt Doherty var spurður út í brottrekstur Mourinho og hvort að hugmyndafræði hans væri einfaldlega orðin of gamaldags.

„Hann var bara hjá okkur í 18 mánuði. Ef þetta hefðu verið þrjú eða fjögur ár þá væri það allt annað. Við náðum bara ekki í úrslit fyrir hann, sagði Doherty á blaðamannafundi írska landsliðsins.

„Það er alltaf þjálfarinn sem er rekinn, en við leikmennirnir eru á vellinum og náum ekki í úrslit fyrir hann sem er virkilega leiðinlegt þar sem hann er einn besti þjálfari í heimi.“

„Ég átti frábært samband við hann. Hann var nágranni minn allan tímann. Hann var frábær manneskja en því miður er þetta svona í fótbolta.“

„Þetta er Jose Mourinho, hann er einn af bestu þjálfurum allra tíma og ég hef ekkert nema gott um hann að segja.“

Enski boltinn á 433 er í boði