Stuðningsmenn ungverska landsliðsins eru ekki hrifnir af því þegar leikmenn fara niður á hné til þess að berjast gegn kynþáttafordómum. Þeir sýndu það í verki og mótmæltu fyrir leik liðsins gegn Frakklandi í riðlakeppni Evrópumótsins í dag.
Fyrr í vikunni voru stuðningsmenn Ungverja einnig til vandræða fyrir það að vera með skilti og borða sem innihéldu andúð á samkynhneigðum og fleiri minnihlutahópum á fyrsta leik þeirra á EM gegn Portúgal.
Leikur Frakka og Ungverja í dag endaði með jafntefli, 1-1. Fyrir leik þrömmuðu nokkrir stuðningsmenn um Búdapest með borða þar sem mynd er af manni krjúpa á kné og lína dregin yfir hann.
Mynd af þessu má sjá hér fyrir neðan.