Cristiano Ronaldo getur bætt sex met á Evrópumóti landsliða. Hann freistar þess að vera titilinn með portúgalska landsliðinu.
Hér fyrir neðan má sjá lista yfir þau met sem kappinn getur bætt.
Flest mörk með landsliði
Metið á Ali Daei, sem lék með Íran. Hann skoraði 109 landsliðmörk á ferlinum. Ronaldo á 103 mörk fyrir Portúgal. Það er raunhæft fyrir hann að slá metið en þá þarf lið hans að fara langt og leikmaðurinn sjálfur að spila mjög vel.
Flestir sigurleikir á Evrópumóti landsliða
Ronaldo deilir þessu meti með Spánverjunum Cesc Fabregas og Andres Iniesta eins og er. Allir hafa unnið 11 leiki. Það verður því að teljast líklegt að Ronaldo bæti þetta mót á EM í ár.
Flest mörk á Evrópumóti landsliða
Ronaldo er markahæstur eins og er ásamt Frakkanum Michel Platini. Báðir eiga þeir níu mörk á Evrópumóti. Mörkin hafa þó dreifst á fjögur mót hjá Ronaldo á meðan Platini skoraði öll á Evrópumótinu arið 1984.
Flestir leikir þar sem tvö mörk, eða fleiri, eru skoruð
Þessu meti deilir Ronaldo með Þjóðverjunum Gerd Muller og Rudi Voller, Frökkunum Michel Platini og Antoine Griezmann og Englendingnum Wayne Rooney. Allir hafa þeir skorað tvö mörk í sama leiknum á EM tvisvar.
Flest Evrópumót þar sem tvö mörk, eða fleiri, eru skoruð
Ronaldo og Zlatan Ibrahimovic deila metinu. Báðir hafa þeir skorað tvö mörk, eða fleiri, í þremur stórmótum.
Flestir úrslitaleikir á Evrópumóti landsliða
Metið yfir það að hafa leikið í flestum úrslitaleikjum á EM eru tveir. Margir deila þessu meti, þar á meðal Ronaldo. Hinir eru Valentin Ivanov, Viktor Ponedelnik og Lev Yashin með Sovétríkjunum, Franz Beckenbauer, Uli Hoeness, Sepp Maler, Georg Schwarzenbeck og Herbert Wimmer með Vestur-Þýskalandi, Thomas Hassler, Thomas Helmer, Jurgen Klisnmann og Matthias Sammer með Þýskalandi og loks Xabi Alonso, Iker Casillas, Cesc Fabregas, Sergio Ramos, David Silva, Fernando Torres og Xavi hjá Spánverjum.
