Knattspyrnusambands Íslands hefur gefið út stutta yfirlýsingu um mál Eiðs Smára Guðjohnsen í miðbæ Reykjavíkur í gær.

Eins og fram kom fyrr í dag birtist myndband af Eiði Smára mjög ölvuðum þar sem hann kastaði af sér þvagi á Ingólfstorgi.

Starf Eiðs er sagt á bláþræði vegna athæfisins. Sagt er að KSÍ muni setja Eiði Smára tvo kosti, að fara í meðferð eða missa starfið.

KSÍ staðfestir að þeir séu með málið til skoðunnar. ,,Við vitum af málinu, erum að afla frekari upplýsinga og skoða næstu skref og munum upplýsa um framhaldið við fyrsta tækifæri, er á meðal þess sem stendur í yfirlýsingunni. Hana má sjá í heild hér fyrir neðan.

Frá KSÍ vegna umfjöllunar um aðstoðarþjálfara A landsliðs karla. Við vitum af málinu, erum að afla frekari upplýsinga og skoða næstu skref og munum upplýsa um framhaldið við fyrsta tækifæri.

— Knattspyrnusambandið (@footballiceland) June 12, 2021

Eiður Smári er einn allra besti íþróttamaður í sögu Íslands, ferill hans náði hámarki frá 2000 til 2009 þegar hann var í herbúðum Chelsea og Barcelona. Hann lék 88 landsleiki fyrir Íslands hönd og skoraði í þeim 26 mörk. Eftir að ferlinum lauk fór Eiður í smá pásu frá fótbolta en var ráðinn aðstoðarþjálfari U21 árs landsliðsins í upphafi árs 2019.

Hann og Arnar Þór náðu frábærum árangri með U21 árs liðið áður en þeir tóku svo saman við A-landsliðinu undir lok síðasta árs. Síðasta sumar var Eiður Smári þjálfari FH en hann sagði starfinu lausu þegar honum bauðst að gerast aðstoðarþjálfari Arnars Þórs hjá U21 árs landsliðinu.