fbpx
Laugardagur 15.maí 2021
433Sport

Pepsi-Max kvenna: Markaregn á Kópavogsvelli – endurkomusigur í Eyjum

Helga Katrín Jónsdóttir
Þriðjudaginn 4. maí 2021 21:11

Ekki missa af Helstu tíðindum dagsins í pósthólfið þitt

Lesa nánar

Pepsi-Max deild kvenna hófst í kvöld með tveimur leikjum. Íslandsmeistarar Breiðabliks tóku á móti Fylki á Kópavogsvelli og unnu 9-0.

Fylkir byrjaði leikinn ágætla og sýndu mikla baráttu fyrstu mínúturnar. Áslaug Munda kom heimakonum yfir á 27. mínútu með frábæru skoti og eftir það sáu Fylkisstelpur aldrei til sólar. Tiffany Mc Carty tvöfaldaði forystu Blika aðeins fjórum mínútum síðar þegar hún fygldi á eftir skoti Andreu Ránar. Karítas Tómasdóttir bætti við þriðja markinu rétt undir lok fyrri hálfleiks með skalla.

Blikastelpur þurftu ekki að hafa mikið fyrir hlutunum í seinni hálfleik en það leit út fyrir að Fylkisstelpur væru löngu búnar að gefast upp. Hafrún Rakel skoraði fjórða markið á 54. mínútu með hörkuskoti í fjærhornið sem átti reyndar líklega að vera fyrirgjöf. Áslaug Munda skoraði sitt annað mark á 65. mínútu eftir frábæran undirbúning Öglu Maríu. Þórdís Hrönn skoraði sjötta mark Blika á 70. mínútu með frábæru skoti. Birta Georgsdóttir skoraði sjöunda og áttunda mark Blika stuttu síðar en seinna markið var afar vont af hálfu gestanna. Agla María komst svo á blað þegar hún skoraði lokamark Blika með flottu skoti.

Stórsigur Blika staðreynd en þær sundurspiluðu Fylki í kvöld.

Breiðablik 9 – 0 Fylkir

1-0 Áslaug Munda (´27)
2-0 Tiffany McCarty (´31)
3-0 Karitas (´43)
4-0 Hafrún Rakel (´54)
5-0 Áslaug Munda (´64)
6-0 Þórdís Hrönn (´70)
7-0 Birta Georgsdóttir (´77)
8-0 Birta Georgsdóttir (´82)
9-0 Agla María Albertsdóttir (´86)

ÍBV tók í kvöld á móti Þór/KA í opnunarleik Pepsi-Max deildar kvenna.

Delaney Bale Pridham braut ísinn fyrir heimakonur eftir aðeins 11. mínútna leik með skalla eftir stoðsendingu frá Kristjönu Sigurz. Fyrri hálfleikur var nokkuð líflegur og bæði lið fengu sín færi en ÍBV leiddi í hálfleik. Á 66. mínútu jafnaði Hulda Ósk leikinn og Karen María kom gestunum yfir þegar 10 mínútur voru eftir. Þar við sat og Þór/KA nælir sér í sín fyrstu stig í deildinni.

ÍBV 1 – 2 Þór /KA
1-0 Delaney (´11)
1-1 Hulda Ósk (´66)
1-2 Karen María (´81)

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 18 klukkutímum

Mourinho reynir að sækja 43 ára gamlan markvörð

Mourinho reynir að sækja 43 ára gamlan markvörð
433Sport
Fyrir 19 klukkutímum

Hvar er stærsti launapakkinn á Íslandi? – „Þetta eru margir launaháir menn“

Hvar er stærsti launapakkinn á Íslandi? – „Þetta eru margir launaháir menn“
433Sport
Í gær

Sancho og Haaland sáu um Leipzig í úrslitum bikarsins

Sancho og Haaland sáu um Leipzig í úrslitum bikarsins
433Sport
Í gær

Lengjudeild kvenna: Jafnt í Grindavík – Stórsigur KR

Lengjudeild kvenna: Jafnt í Grindavík – Stórsigur KR