Stuðningsmenn Manchester United og Liverpool velta því nú fyrir sér hvenær leikur liðanna verður spilaður, leikurinn átti að fara fram í gær en var frestað.

Stuðningsmenn Manchester United, sem hafa verið að mótmæla eignarhaldi Glazer-fjölskyldunnar á félaginu, brutu sér leið inn á heimavöll liðsins, Old Trafford í gær með þeim afleiðingum að fresta þurfti leiknum.

Margir töldu að leikurinn yrði spilaður í dag en ekkert hefur komið út um slíkt, það verður því að teljast ansi ólíklegt.

Ensk blöð telja mestar líkur á því að leikur Liverpool við West Brom sem á að fara fram 16 maí verði nú færður fram til 12 maí, sama dag og United á leik við Leicester. Liðin muni svo mætast á Old Trafford 16 maí.

Annar möguleiki er fyrir hendi að leikurinn fari fram helgina 29 til 30 maí, en það er helgin sem úrslitaleikur Meistaradeildarinnar fer fram.

Enski boltinn á 433 er í boði