fbpx
Mánudagur 14.júní 2021
433Sport

Sitja ekki við sama borð og Daði og Gagnamagnið í bólusetningu – „Ég hef mínar skoðanir á því“

Hörður Snævar Jónsson
Miðvikudaginn 26. maí 2021 10:00

Ekki missa af Helstu tíðindum dagsins í pósthólfið þitt

Lesa nánar

Kári Árnason ferðast ekki með íslenska landsliðinu í verkefni gegn Mexíkó, Færeyjum og Póllandi vegna COVID-19. Kári er í áhættuhópi þegar kemur að veirunni, hann er með astma og veiran gæti haft slæmt áhrif á hann þegar kemur að frammistöðu innan vallar. Hann ákvað því að draga sig út úr landsliðshópnum í gær.

ÍSÍ og KSÍ hafa reynt að fá undanþágu í bólusetningu en hingað til hefur það litlum árangri skilað. Umræðan um forgang í bólusetningu spratt upp þegar í ljós kom að Daði Freyr Pétursson og hljómsveit hans fengu undanþágu í bólusetningu, hljómsveitin tók þátt í söngvakeppni evrópskra sjónvarpsstöðva. Málið vakti furðu enda hafði Þórólfur Guðnason talað eins og slíkar undanþágur væru svo til óhugsandi.

„Það var lögð inn beiðni um bólusetningu til yfirvalda, ég veit það. Það er eitthvað sem framkvæmdarstjóri og formaður leggur inn, það tókst ekki,“ sagði Arnar Þór Viðarsson landsliðsþjálfari í samtali við 433.is í morgun.

Kári útskýrði mál sitt í gær en Arnar segir ákvörðun hans mjög eðlilega. „Það var spurning um bólusetningu og tryggingar, eftir að hafa fengið svör við þessu öllu ákvað Kári í gær að draga sig út. Það var ekki þess virði fyrir hann að taka þátt í þessu verkefni.“

Arnar hefur sína skoðun á því að íþróttafólk njóti ekki sama forgangs og hljómsveit sem þarf að ferðast í alþjóðlega keppni. Íslensku landsliðin fá ekki að sitja við sama borð.

„Ég hef mínar skoðanir á því, ég hef verið spurður að þessu í Belgíu líka. Ég veit að belgíska landsliðið er allt bólusett núna fyrir Evrópumótið, að sjálfsögðu vil ég sem þjálfari fá þessa undanþágu og allir væru þá bólusettir. Helst frá Johnson & Johnson sem er bara ein sprauta.“

Arnar efast þó ekki um að vinnan í heilbrigðisráðuneytinu sé með eðlilegum hætti og þar sé fólk að gera sitt besta.

„Þetta er mín skoðun, það er bara eðlileg skoðun. Að allir gætu komið með og allir farið aftur heim til sín án þess að þurfa að fara í sóttkví, ég hef engar efasemdir samt um það að það er fólk í ráðuneytinu sem veit miklu meira um þetta en ég og vita hvert bóluefnið eigi að fara. Ég ræð ekkert við þetta.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Garðbæingar ekki hættir – Danskur framherji einnig á leiðinni

Garðbæingar ekki hættir – Danskur framherji einnig á leiðinni
433Sport
Fyrir 16 klukkutímum

Vitni tjáir sig um slysið í Lundúnum – ,,Náungi sem var nálægt okkur grét úr sér augun“

Vitni tjáir sig um slysið í Lundúnum – ,,Náungi sem var nálægt okkur grét úr sér augun“
433Sport
Fyrir 18 klukkutímum

Óvænt skref til Englands í vændum hjá Marcelo? – Orðaður við tvö lið

Óvænt skref til Englands í vændum hjá Marcelo? – Orðaður við tvö lið
433Sport
Fyrir 18 klukkutímum

Sjáðu myndina: Svaraði karlrembu fullum hálsi – ,,Hún er best á settinu fíflið þitt“

Sjáðu myndina: Svaraði karlrembu fullum hálsi – ,,Hún er best á settinu fíflið þitt“
433Sport
Fyrir 22 klukkutímum

Skilur ekkert hvers vegna Eriksen hneig niður – ,,Hefur enga tengingu við bóluefni“

Skilur ekkert hvers vegna Eriksen hneig niður – ,,Hefur enga tengingu við bóluefni“
433Sport
Fyrir 23 klukkutímum

Byrjunarlið Englands hefur verið birt: Enginn Grealish – Stillt upp í 4-3-3

Byrjunarlið Englands hefur verið birt: Enginn Grealish – Stillt upp í 4-3-3