Kun Aguero er klár í að fórna Meistaradeildar fótbolta á næstu leiktíð til að spila áfram í ensku úrvalsdeildinni. Frá þessu segir Daily Telegraph.

Aguero mun yfirgefa Manchester City í sumar, frá þessu var greint í síðustu viku. Framherjinn frá Argentínu er markahæsti leikmaður í sögu félagsins.

Aguero er samkvæmt frétt Telegraph spenntur fyrir því að flytja til Lundúna og eru Chelsea og Tottenham sagðir kostirnir sem eru á borði Aguero.

Samingur Aguero við Manchester City rennur út eftir tímabilið og ekki verður skrifað undir nýjan samning við leikmanninn.

Aguero gekk til liðs við Manchester City árið 2011 frá Atletico Madrid. Síðan þá hefur Aguero leikið 384 leiki fyrir félagið og skorað 257 mörk. Aguero hefur unnið fjóra Englandsmeistaratitla með félaginu og vonast til að bæta þeim fimmta við undir lok tímabils. Þá hefur hann orðið enskur bikarmeistari einu sinni.