Stuðningsmenn Manchester United söfnuðust saman við æfingasvæði félagsins í gær til að mótmæla Glazer fjölskyldunni sem á klúbbinn. Ole Gunnar Solskjaer þurfti á endanum að koma út og róa mannskapinn niður.

Amerísku eigendurnir eru taldir hafa verið arkitektar Ofurdeildarinnar sem tilkynnt var á sunnudag. Ensku klúbbarnir staðfestu allir brottför sína úr deildinni á þriðjudag eftir vaxandi neikvæða umræðu frá sjónvarpsstöðvum, aðdáendum og ríkisstjórn Bretlands.

Stuðningsmennirnir brutu sér leið inn á svæðið og stóðu við innganginn, þangað komu Solskjær, Nemanja Matic, Michael Carrick og Darren Fletcher.

Stuðningsmennirnir neituðu að fara af svæðinu fyrr en Solsjær mætti og ræddi við þá. Hann ræddi við þá og sagði meðal ananrs „Joel elskar þetta félag,“ sagði Solskær og átti þar við Joel Glazer einn af þeim sem á félagið.

Þessi yfirlýsing Solskjær féll ekki vel í alla en margir kölluðu á hann að þetta væri einfaldlega rangt, stuðningsmenn United hafa í sextán ár verið í nöp við Glazer fjölskylduna.

Solskjær gagnrýndi kaup Glazer fjölskyldunnar árið 2005 þegar hann var leikmaður og var hann spurður að því hvað hefði breyst. Solskjær gat ekki svarað því.

Í enskum blöðum kemur fram að talsverður hiti hafi verið í stuðningsmönnum þegar þeir ræddu við Solskjær en þeir vilja að Glazer fjölskyldan selji félagið.

Enski boltinn á 433 er í boði