Manchester United er eitt stofnfélaga nýrrar Ofurdeildar Evrópu en deildin hefur verið mikið á milli tannanna á fólki. Eric Cantona, fyrrum leikmaður liðsins, er allt annað en sáttur með sitt gamla félag.
Hann rantaði um málið á Instagram-síðu sinni í gær en hann er mjög mikið á móti stofnun Ofurdeildarinnar.
„Í eitt ár höfum við horft á leiki bestu liða heimsins í sjónvarpinu og það hefur verið leiðinlegt. Það er enn þá leiðinlegt því það eru engir aðdáendur að syngja, hoppa og hvetja liðin sín áfram,“ segir þessi 54 ára fyrrum sóknarmaður.
Hann hefði viljað að félögin myndu spurja aðdáendur sína áður en þeir ákváðu að stofna þessa deild.
„Ofurdeild sem er lokuð fyrir nokkur nægilega rík félög er eitthvað sem fer algjörlega á móti sem tengist fótbolta og Manchester United ættu ekki að standa með þessu. Að einungis hugsa um það að hætta í Ensku úrvalsdeildinni er algjörlega gegn því sem þessi klúbbur hefur nokkurn tímann staðið fyrir.“