Fyrr í kvöld var greint frá því að Ed Woodward myndi láta af störfum sem framkvæmdastjóri Manchester United í lok árs. Félagið hefur nú staðfest fregnirnar.
Woodward hefur ekki átt samleið með stórum hluta stuðningsmanna Man Utd í langan tíma. Þátttaka hans í fyrirhugaðri ofurdeild Evrópu var svo ekki til að bæta sambandið.
,, Ég er mjög stoltur yfir að hafa þjónað United og það hefur verið heiður að vinna fyrir stærsta knattspyrnufélag heims síðustu 16 ár,“ skrifar Woodward í tilkynningu á heimasíðu Man Utd.
,,Ég mun geyma minningarnar frá tíma mínum á Old Trafford, tími þar sem við unnum Evrópudeildina, FA-Bikarinn og deildabikarinn.“
,,Ég er viss um að með breytingum sem við höfum gert á liðinu og þjálfarateyminu á síðustu árum muni þetta lið fljótlega lyfta bikurum aftur. Það á það skilið.“
Woodward tjáir sig einnig um erfiðleika vegna kórónuveirufaraldursins:
,,Fjárhagsleg áhrif á knattspyrnulið hafa verið mikil en United hafa sýnt hvað mesta þrautseigju undir miklum fjárhagslegum þrýstingi.“
Að lokum þakkar hann stuðningsmönnum:
,,Mig langar að þakka ástríðufullum stuðningsmönnum United fyrir þeirra stuðning á góðum og slæmum tímum. Ég veit að þetta hefur verið krefjandi tími í sögu okkar, en stuðningur ykkar hefur alltaf verið til staðar.
Hér fyrir neðan má lesa tilkynninguna í heild:
Club statement.
— Manchester United (@ManUtd) April 20, 2021