Sir Alex Ferguson, fyrrverandi knattspyrnustjóri Manchester United segist aðeins hafa þjálfað fjóra heimsklassa leikmenn á meðan að hann var knattspyrnustjóri enska félagsins.

Árið 2015, kom út bókin, Leading: Learning from life and my years at Manchester United. Bókin er eftir Ferguson og í henni fer hann yfir feril sinn sem knattspyrnustjóri Manchester United.

Í bókinni segir Ferguson að hann hafi alltaf verið að heyra í fjölmiðlum að það væri til ógrynni af heimsklassa leikmönnum.

Hann bætir því svo við að það hafi aðeins verið fjórir leikmenn í stjóratíð hans með Manchester United sem hafi verið í heimsklassa.

„Það er ekki mín meining að lítillækka eða gagnrýna alla þá frábæru og góðu knattspyrnumenn sem spiluðu fyrir mig á mínum 26 árum með Manchester United. En ég þjálfaði aðeins fjóra heimsklassa leikmenn. Eric Cantona, Ryan Giggs, Cristiano Ronaldo og Paul Scholes.

Af þessum fjórum leikmönnum var Cristiano Ronaldo sá besti.

„Hann var eins og stjarnan efst á jólatrénu,“ skrifaði Ferguson í bók sinni.

Enski boltinn á 433 er í boði