Djibril Cisse fyrrum framherji Liverpool hefur tekið nokkuð óvænt skref undir lok ferilsins en hann hefur samið við Panathinaikos Chicago í fjórðu efstu deild í Bandaríkjunum.
Cisse er 39 ára gamall en hann hefur verið atvinnulaus í fótboltanum í tvö ár, síðast lék hann í neðri deildum í Sviss.
Cisse átti frábæran feril frá 1998 til 2013 en síðan þá hefur hann flakkað á milli liða og stoppað stutt við á hverjum stað. Cisse lék með Liverpool frá 2004 til 2007 en hann lék einnig með Lazio, QPR, Marseille og Sunderland.
Cisse lék einnig með Panathinaikos í Grikklandi en nú mun hann leika fyrir Panathinaikos liðið í Chicago í Bandaríkjunum.
Eftir að ferill hans fór niður á við í boltanum hefur Cisse gefið af sér gott orð sem fyrirsæta og þá hefur hann starfað sem plötusnúður.