Harry Maguire fyrirliði Manchester United segir enginn leiðindi vera á milli sín og Marcus Rashford eftir snarpt rifrildi þeirra í vikunni.

Þeir félagar létu hvorn annan heyra það í markalausu jafntefli gegn Crystal Palace, hlutir sem aldrei heyrðust áður innan vallar heyrast nú vegna þess að engir áhorfendur eru á vellinum. „Þið heyrið þetta bara núna af því að vellirnir eru tómir,“ sagði Harry Maguire um málið.

Rashford átti verulega slakan leik og í síðari hálfleik var hann rangstæður, klaufalegt og Maguire var brjálaður. „Hvað viltu að ég geri?,“ öskraði Rashford á Maguire sem hafði verið að lesa yfir honum fyrir að vera ekki kominn upp í línu.

Maguire var fljótur til svars. „Drullast til að koma þér úr rangstöðunni,“ sagði fyrirliðinn.

Það var þá sem að Rashford fékk nóg og sturlaðist. „Haltu kjafti, helvítis typpahaus,“ öskraði Rashford til baka á fyrirliða sinn en þeir erfa ekki svona hluti.

„Við erum alltaf að öskra á hvorn annan í leikjum, ég ber virðingu fyrir Marcus og hann fyrir mér. Við ræddum málið ekkert eftir leik, því svona atvik gerast á hverri æfingu og í hverjum leik.“

„Marcus vill það besta fyrir félagið og það vil ég líka.“

Enski boltinn á 433 er í boði