Fjárhagsvandræði Inter á Ítalíu eru veruleg en félagið gat ekki greitt Manchester United rúmar 4 milljónir punda á dögunum.
Inter keypti Lukaku frá Manchester United sumarið 2019 og var kaupverðið 75 milljónir punda. Inter skuldar United 43 milljónir punda af því kaupverði.
Inter á að borga reglulega til United og þannig átti félagið að borga 4,32 milljónir punda á dögunum. Inter gat hins vegar ekki greitt þá upphæð.
Í samningi milli félagana kemur fram að ef Inter greiðir ekki á réttum tíma þarf félagið að reiða fram upphæðina sem eftir er, sú upphæð er 43 milljónir punda. United gerir kröfu um að félagið borgi þá upphæð eða að United fá leikmann frá Inter.
Corriere dello Sport segir að United hafi beðið Inter um að borga upphæðina eða að félagið noti Milan Skriniar eða Lautaro Martinez til að borga upp skuldina.
Martinez er eftirsóttur sóknarmaður og Skriniar er öflugur varnarmaður. Ole Gunnar Solskjær vill bæta við varnarmanni og sóknarmanni í sumar og gætu félögin leyst málið á þennan hátt. Ef Inter er ekki tilbúið í slík viðskipti þarf félagið að finna 43 milljónir punda í hvelli.
Enski boltinn á 433 er í boði 
